DFI Tuaono - Enabling Access

• He aha aku akoranga hei āwhina i taku mārama atu ki te ariā ako me te kaupapa o Manaiakalani? Ia wā ko te mea nui e puta mai ana ko te whakahirahiratanga o te tamaiti, o te ākonga. Anō hoki, ko te tino hiahia o Manaiakalani kia whiwhi ngā tamariki i ngā rauemi mīharo hei painga mo tō rātou ao. Tērā pea ko tētahi kitenga kei puta kaha mai ki au ko te whakamana i te ākonga.

• He aha aku akoranga hei whakawhanake i te ngaiotanga,  i taku māia, i taku kakama, i te rere rānei a te mahi? He tino whakamaumaharatanga mo te whakarite i taku kete kūkara kia tika ai, ko te whakatika i ngā whakaaetanga ki ia mahi e tāpiri ana ki te pae tukutuku mo ngā tamariki.

• He aha aku akoranga kia tukua, kia tohaina atu ki āku ākonga?  Kia māmā ake te tirohanga o taku pae tukutuku, ōtira, ko te whakaritenga me te whakatakotoranga o ngā mahi ki te pae tukutuku hei tautoko i a rātou mahi ako. Kia māmā hoki te huarahi kia tae atu ki te mahi. Kia āta whakarite i ngā mahi kia taea e rātou ki te whakaoti ahakoa kei whea rātou e mahi ana.

• He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro? Ko te ū ki te kaupapa. Ahakoa kei te aha, ahakoa kei whea, ko au te kuīni o te procrastination, nā reira, ko ngā akoranga katoa kua riro ki au ka āwhina ki au ki te whakaoti me te whakarite mahi

Nuuuuuuui te aroha mō tēnei mahi, ngā mihi!

• 
  
  

Ōku Tino Wāhi

I tēnei rā i te ako mātou ki te whakamahi i Aku Mahere Kūkara. Kei kōnei ētahi o aku tino wāhi ki Kirikiriroa. I ine hoki i te tawhiti mai i aku tino toa e rua. Ko ngā Kmarts. I ine hoki i te tawhiti mai i Hato Hoani ki Cucina, ko tētahi o aku tino whare kai. 

DFI Tuarima - Paetukutuku Kūkara, Paenga Kūkara

 

• He aha aku akoranga hei āwhina i taku mārama atu ki te ariā ako me te kaupapa o Manaiakalani? He mea whakahirahira kia kite te katoa i ngā mahi o ngā tamariki.

• He aha aku akoranga hei whakawhanake i te ngaiotanga,  i taku māia, i taku kakama, i te rere rānei a te mahi? Ka aroha kē au ki ngā pae tukutuku kūkara, kua waea hoki ki te hanga me te whakamahi hoki, nō reira, i whai wā ki te waihanga anō, waihanga tonu me te whakapai.

• He aha aku akoranga kia tukua, kia tohaina atu ki āku ākonga?  Kei te whakamahi kē ngā akoranga kua akongia e au i tēnei rā, hēoi, ko te painga pea ko te kite i ētahi atu huarahi me ētahi whakamahinga mo ēnei mea.

• He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro? Kia whakapai ake pea te whakaritenga o aku mahi.