Monday 31 May 2021
Friday 28 May 2021
DFI Tuawhā - Te Whakamahi Raraunga
He aha aku akoranga hei āwhina i taku mārama atu ki te ariā ako me te kaupapa o Manaiakalani? Kua kite kē i ngā pāinga o te Blogger. Kua rongo anō mō ngā āhuatanga o te Ako, Hanga, Tohatoha. Kua whakanuia anōtia te whakahirahiratanga o te whakahoahoa hei hāpai i te angitu o ngā ākonga.
He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi? Ko te katoa o ngā akoranga. He mea hou katoa te mahi mahere, anō hoki, kāre au i te āta whakamahi i ngā ripanga kūkara i mua. He "basic" rawa atu aku pukenga, engari inaianei mā te whakaharatau i ngā mea hou kua akongia e au, ka waea haere ki tēnei wāhanga o kūkara, ā ka pai ake taku tautoko i ngā tamariki.
He aha aku akoranga kia tukua, kia tohaina atu ki āku ākonga? Tē taea te tatari ki te whakamahi i ngā mahere kūkara ki te whakaako i te wāhi, te ahunga, me te panoni. Ka whakamahi hoki i ngā ripanga kūkara ki te whakahaere i te tūhurangatanga tauanga.
He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro? E ngākaunui ana au ki ngā ripanga kūkara engari kātahi anō kia ako i ētahi pukenga rawe hei hāpai i aku mahi ki roto rā.
Friday 14 May 2021
DFI Tuatoru - Ōku Whakaaroaro
Kātahi te rangi pai ko tēnei!
He aha aku akoranga hei āwhina i taku mārama atu ki te ariā ako me te kaupapa o Manaiakalani? Tērā pea ko te kite tonu i ngā uara o Manaiakalani ki ngā wāhanga katoa o ngā akoranga. Pērā i te haumarutanga o te tamaiti ki te ao matihiko, anō hoki ko te whakanui i te tamaiti ki te waihanga ki te whakaatu hoki i tōna auahatanga ki ōna mahi.
He aha aku akoranga hei whakawhanake i te ngaiotanga, i taku māia, i taku kakama, i te rere rānei a te mahi? Tē taea te whakarārangi, engari ko ngā mea i raro iho pea. Ko ngā mea ka taea e au te whakamahi ki te akomanga.
He aha aku akoranga kia tukua, kia tohaina atu ki āku ākonga? TE MAHA HOKI o ngā akoranga i tēnei rā. Ko au te tangata tino arohanui ki Ata Kūkara me te Tānga Kūkara, engari he maha ngā mea kāre anō au kia whakaatu i aua mea katoa ki aku ākonga. I te whakamahi noa iho au kia hanga rauemi mō rātou, engari he pai ake kia hanga rātou i ō rātou ake rauemi hoki.
He aha aku akoranga hei whakawhanake i taku māia, i taku kakama, i te rere rānei a te mahi ki taku ao whaiaro? Kua waea au ki te nuinga o ngā taupānga ka whakamahingia e au ki te kura, engari tē taea te tatari mo ngā akoranga ki sheets.
Waiata Korikori
He Mahi - Manu Amorangi
He wā koakoa rawa te waihanga i tētahi aromatawai mo ngā manu amorangi o te kura mai i ngā akoranga ki te awheawhe "pick a path" ki te taha ō Vicki. Ka nui te mihi e hoa :-)